شاهد رد بشار على عبارة الرويشد :"تعاملك مع الشيخ ثوب اط

وجوه

Active member
ضمن لقاء للرويشد مع الإعلامي نيشان في برنامج أكيد أكيد أكيد مايسترو تحدث عن تجربة تعامل الشيخ وبشار الشطي حيث ذكر بشار الشطي وقال انه مثل ولدي بس قال جملة بشكل نصيحة وهي ان الثوب الاطول منك يعتك ، وسأله نيشان بالضبط شيقصد وقال ان بشار اول ماطلع على الساحة على طول تعاون مع خالد الشيخ أي هو لبس ثوب أطول منه بسبب تعاونه مع خالد الشيخ لأن الاغنيه ماكانت لابقتله المفروض يصعد درجه درجه .
فما رأيكم في هذا التصريح ؟؟؟؟؟؟؟؟؟؟
 

وجوه

Active member
تم تداول هذا الموضوع في منتديات محبي بشار .. إليكم أبرز ما دار من آراء

و قصده انه لازم مايبتدي بدايه قويه لأنه بعدين لي نزل لي اقل من مستوى خالد الشيخ و ربعه
راح يبين الفرق

فلازم شوي شوي يبتدي



يعني حتى ممكن الناس تفكر انه مثلاُ لي تعاون مع ملحنين او شعره توهم بادين راح يقولون الحين
من بعد خالد الشيخ يتعاون مع ناس مو معروفين و يدد


اكيد في شي




عادي ممكن في ناس هذا تفكيرها


بس عدل والله كلامه و بالفعل نصيحه هذي

والله يوفق بشار انشالله
[hr:cd246a230f]مع احترامي شديد للا فنان الكبير بل اخص انا من معجبين وبسمع كل اغنية بس معجبتني لكلمة وعلي فكر خالد اشييخ تعمل مع فنانين شباب واد اشمعن بشار ............. يعلقو علي تعون


عشان عبداللة رويشد يتعمل مع خالد اشيخ اشباب لي اشباب والكبر الي لكبر شو هل عنصرية لو الكبر ماتعمو اشباب من رح يدعم اشباب

[hr:cd246a230f]
يسلموووو على الردود الحلوة موحرام وزينب وكوثر ...

بس انا رأيي مثل زينب ... اشفيها اذا الفنانين الشباب يتعاملون مع الشعراء والملحنين

الكبار بالعكس هذا دعم كبير لهم ومااتفق مع الرويشد في كلامه وكان يقدر يختار اسلوب

ثاني للنصيحة بدال هالمثل ...

والله العالم بالنيات ....
[hr:cd246a230f]مشكورة على النقل ياmiss q8 ويعطيج العافية

بس بصراحة انا مصدومة من الفنان الكبير *عبدالله الرويشد* اللي كلنا نحبه ونموت عليه

شدعوة هذا مثل تقوله عن *بشبش*

((الثوب اللي اطول منك يعتك))

بعد زين ماقال ((من عمره ماتبخر --- تبخر واحترق))

ترى موبعيده عن هالمعنى بس المثل اللي قاله اذرب شوي ولا ماكو فرق بين الاثنين


بس الفنان عبدالله الرويشد فنان كبير ونقدره ونحترمه وعلى عيني وعلى راسي
وفي النهاية يبقى كلامه وجهة نظر نحترمها ونقدرها


*وبصراحة مع احترامي له مانلومه حرام :وبيني وبينكم النجومية اللي وصلها *بشبش*
تخلي الكل يغار منه سواء فنان كبير او فنان صغير

عسى الله يحفظ الغالي *بشبش* من العين ومن الحساد
ويوفقه بطل خطوه يخطيها ياااااااااااااااااارب

[hr:cd246a230f]هاي

مس الكويت

يسلموو حبيبتي عالنقل

وانا كنت ناويه اني اكتب عن كلام بوخالد

شوفو انا من المعجبين ببو خالد
حالي حال اي احد

وحتى البشري يحبه

وعبد الله رويشد لمن تكلم عن بشار تكلم عنه بحب

وانه من الاصوات اللي قدرت تثبت نفسها بعده هو ونوال ونبيل شعيل

يعني اول شي عبد الله رويشد معترف بنجاح بيشوو

وبعدين

قال انه بشار ولده وانه يحبه

وهالكلام كان مبين انه صاج فيه
يعني مو كلام عالتي في وبس

وصراحه

انا اشووف الاغنيه رووعه

بس ما اخذت نصيبها من الشهره والناح

لان صج فيها فلسفه و لحن عجييب

انا ما اضن ان في احد بيغنيها مثل بيشو

ولا اتخيل اني اسمعها بصوت غيره واحبهاا

بس لوكانت بعد فتره

جان خذت نجاح اكبر

وسوري عالطواله

بس بغيت اوضح وجهة نظري

واللي فهمتخ من كلام رويشد

وبعدين

يا حبايب قلبي ما اظن ان عبد الله رويشد بيغار من بيشو

والدليلل ان باكثر من حفله شفناه مصعد بيشو معاه عالمسرح

واكثر من مره صرح انه يحبه

وبو خالد معروف بمساعدته للشبااب

[hr:cd246a230f]أنا عادي اتوقع هالكلام من الرويشد
يعني نسيتو انه بشار طلع المركز الأول بمجلة اليقظة على الفنان الأول بالخليج أو بالكويت ما أدري وكان المركز الثاني عبد الله الرويشد

أتصو هذه غيرة فنية ليشنه بشار طلع الأول عليه وبحجم جمهور كبير وعريض يعني الرويشد تفشل مع كامل محبتي وتقديري له ولفنه الطويل بس عادي يقول هالكلام

ويا رويشد يا فنانا الكبير (ترى التلميذ يتفوق و يغلب أستاذه أغلب الأحيان ) لا تزعل ولا تغار

لو بشار ما يستاهل ما تعاملوا معه أكبر الملحنين بس خش غيرتك عشان لا تغير نظرة محبينك فيك خصوصا انه البومه الأخير ما لقى أي نجاح للأسف



مع محبتي وتقديري للفنان الكبير عبد الله الرويشد اللي نحبه ونحترمه

[hr:cd246a230f]عبدالله رويشد يغار من بشار والا كلامة شنو معناه
ولو كان يبي صج ينصحة كان كلمة مباشرة ماله داعي يطلع في في برنامج ويقول ودي انصحة شنو مانعك بشار يسمع للكل ويتقبل النصيحة
ثانيا عبدالله رويشد قال شي بصراحة انا ما فهمتة خالد الشيخ فنان وموسيقار ويفهم بالفن ولو مو شايف ان بشار يستاهل جان ما عطاه لحن
وبعدين كل الفنانيين الشباب يطمحون انهم يغنون لملحنين كبار هذا مو عيب والله انا ماادري شلون
علي العموم المعروف عن عبدالله الرويشد انه ما يعرف يتكلم في المقابلات ويقوم يخورة
وما نفهم شقاعد يقول ياريته يسكت احسن
ا
[hr:cd246a230f]
لاتكبـــــــــررون السااالفه وبرررح احط ررردي لماايااا

بشاااار غااالي ونحبه وويعتبـر اهم فنااان شاااب كويتي حاالياااا بس رررحم الله امرأ عرف قدرر نفسه شلوون تقاارنوونه بالروويشد عبدالله الرويشد مخضرررم وعنده قااعده جمااهيرريه كبيـــــــــــــــررره وررصيييد اكثررر من 20 البووووم + له حوواااالي 3 عقووود وهوو يغنـي فماافي اي مجاال للنقااررنه !! اللي صــــــــــاارر حب وخوووف من استاااذ كبيـــرر على ولــده وحب يووصله نصييييحه بس طررريقة تووصيله وهل المفروض يقولها عالهواا ولاا بينهم وبين بعض المفروووض هي اللي تختلوون عليهاا نااااس


اعتبـرروهاا نصيييحه من بااااب المحبـه


عمووماا انشاالله المووضووع ماايكبــــر واللي غلطواا على الروويشد والله بشــار ماررااح يفرررح لوو دش المنتـدى وشاااف اللي كااتبيينه
[hr:cd246a230f]كل القصد من الموضوع مو مهاجمة رويشد او مقارنته ببشار لا موهذا المقصد ..لكن تفسير لكلامه وهذا اللي

بحاول افهمه هل من الغلط ان الفنان الشاب بأول طلعته وبأول انتاج البوم له يتعاون مع ملحنين او شعراء كبار ؟؟؟


اوان الملحنين والشعراء حكر على نوعية محددة من المطربين .....

[hr:cd246a230f]انا رايي ان الكلام اللي قالو الرويشد مو نصيحة تتقدم


يسلمو على النقل
و هذي اللي يظهر من الناس و ما خفي أكثر ..

و بصراحه لازم انكم تتوقعون اي كلام من أي حد .. لأنه بشار صوت + تلحين + عزف + و ماننسى انه كتب كلمات أغنية آه ياهوى.. إضافة إلى هذي الشىء محبوب من الكبير و الصغير و شخصيته جذابه ..

اللهم ابعد عنا الحسد و الحساد ..

[hr:cd246a230f]
شكراً ع الخبرية .. و حسافة ماعندي وقت اتابع البرنامج !!
بس اكيد مفهووم قصد ارويشـد
هو ان بشار في اول شريط له تعاون مع اسماء كبيرة مثل خالد الشيخ .. و يعني تو الناس على التعاون مع مثل هالاسماء ..
بس انشاءالله بشار يشد حيله اكثر واكثر ويتفوق اكثر ويتعامل مع الكل انشاءالله ^_^
[hr:cd246a230f]
 
أنا ما قريت راي منتدى بشار .. بس اعتقد ان الفنان المميز عبد الرويشد مش من حقه يقول هالكلام عن بشار الشطي وان تعامل الشيخ مع بشار دعم له .. وان بشار الشطي بفتره بسيطه قدر يكسب جمهور كبير .. وسلامتكم .. شكرا وجوه
 

وجوه

Active member
غريب تصريح الرويشد
لوكان كلامه من باب النصيحة لقدمها مباشرة له لا في البرنامج خصوصا انه ما وجه نصيحة لغيره
بعدين ايش هذا التصنيف لحن صعب ولحن للكبار واخر للمبتدئين ؟
لوكان تصنيفه صحيح اذن تعامل الرويشد مع العروج وغيره من الشباب خاطيء لأنه كبير
منطق غريب
والأهم هو السؤال عن نجاح بشار في أداء موحرام ام لا
فاذا كان ملحنها الأستاذ خالد الشيخ أقر بنجاحه بدليل استمرار تعاونهما وفي الشريط القادم راح يغني معه فهذه شهادة عملية بتفوق بشار
 

ليل المحرق

Active member
فعلاً تصريح غريب ما توقعته من عبدالله الرويشد..
تعاون الشيخ مع بشار جاء من منطلق دعم الشيخ للفنانين الشباب ..
وتعاون بشار مع الشيخ جاء في اعتقادي من منطلق اعجاب بشار بالشيخ ورغبته بالتعاون معه..
والأغنية ما شاء الله نجحت وانتشرت ..
في رايي ما فيها شي ان بشار من بدايته تعاون مع اسم كبير مثل خالد الشيخ.. المهم ان البومه القادم يبقى في هالمستوى وما ينزل ..

تصريح غريب.. غريب جداً!!!
 

وجوه

Active member
رد من منتدى محبي الرويشد في منتدى بشار

السلام عليكم ورحمة الله وبركاته
تحيه طيبه وبعد لكل القائمين على هذا الموقع والمنتدي
اولا هل صحيح اللي قاعد تقولونه ؟
هل هذي طريقة نقاش ؟
كلمه بسيطه للإخوان والاخوات
اللي يقولون رويشد يغار من بشار
بالنسبه لمشوار الرويشد 31 البوم ورصيد فني زاخر
ماتوقع بشار ممكن يهز شعره من راس رويشد
لان بشار البوم واحد ولا تنسون فرق العمر بينهم ..
رويشد من سنة 1982 في المجال الفني وقبلها بفرقة الرباعي من 1979
بشار من 2003 او 2002 مهما صار ومهما سوه ماراح يوصل لنجومية السفير
واللي يقول بشار محبوب من جميع الفئات حتى السفير بس في فرق بينهم
ان كبار السن مايحبون بشار اللي اعمارهم فوق 30
والفرق اللي برويشد ان من عمر الاطفال الى كبار السن يسمعون رويشد ويحبونه
ونقطه ثانيه انتوا الحين تتكلمون غيره ومادري شنو ورويشد يكره بشار
وغيره من هالكلام احب اقول انتوا في عالم ورويشد وبشار بعالم
انتوا اهني تتهاوشون وتحرقون بدمك ورويشد وبشار سمن على عسل بالحياه اليوميه
انتوا اهني تسببون مشاكل وتثيرون نزعه بين الاعضاء ورويشد وبشار علاقتهم مثل ابو وولده
الحين اغلبكم غلط على الرويشد بس ياترى لو دخل بشار الموقع وشاف هالكلام راح يرضى
لعلمكم بس انا على معرفه شخصيه بالطرفين الرويشد وبشار واعرف شنو علاقة الرويشد ببشار
والنصيحه اللي قدمها الرويشد لبشار ابويه مافيها ذرة شك وحده
والدليل ان رويشد يتصل على بشار كل فتره وفتره يعزمه على الغدا في بيته ..
لو الرويشد مو عاد بشار ولده مايدخله بالبيت وينصحه وتبون دليل على ان الرويشد اهو مربي بشار
واتمنى تراجعون نفسكم وضميركم قبل كتابة اي كلمه
وللمره الاخيره اقولكم مهما سويتوا وتكلمتوا وزعلتوا راح تبقى علاقتهم زينه
ويبقى الرويشد ابو وبشار ولده ..
والرويشد من الاساس قصده واضح ..
ان اي فنان مبتدئ وفي اول طريقه
مفروض يأسس نفسه ويطور من امكانياته
بعدين يغني من الكبار لان النقطه واضحه
خالد الشيخ ملحن رائع طول عمره مع الرويشد وغيرهم
لمه يسوي لحن يسوي شي بناء على خبرته السابقه
وبشار في اول مسيره ماراح تكون عنده الامكانيات ذاتها اللي عند رويشد او عبدالكريم او محمد عبده او غيرهم من الكبار
خطوه بخطوه تأسس نفسك وبعدها تقدر تخدم الاغنيه
مو تغني اغنيه ماتدري يمكن تنجح ويمكن ماتنجح
بس لمه تكون عندك الامكانيات الصوتيه والمساحات
انت تكون واثق بنجاح الاغنيه وانا مادري اذا ناجحه الاغنيه
واذا ناجحه بنقول مبروك نجاحها بس مو كل مره تسلم الجره
وارد واقول للمره الالف إرتقوا بكلامكم واخلاقكم
وهذي مو طريقة جمهور فنان
لازم ماتجرحون الآخرين ولا تتكلمون من مبدأ
يمكن او جايز او الظاهر ......
لازم تكونون واثقين بالكلام اللي بتقولونه او لا تقولونه
وهذي وجهة نظري بكل صراحه وانا مارديت الا بحكم علاقتي بالطرفين ..
اخوكم
 

وجوه

Active member
بقية ردود منتدى محبي بشار
مشكوره حبوبه على النقل وياريت اللي عنده فيديو يحطه عشان نسمعه

والله بصراحه انا ما شفت الحلقه وانا من اشد المعجبين بصوت السفير الرويشد و احب العلاقه الحلوه بينه و بين مايسترو بشار

و لو اني ما حبيت الكلام اللي قاله ومب وياه لانه مو منطقي
الفنان كان مبتدئ او كبير يتعامل مع كل الفئات خاصة ان الفنان الكبير الشيخ هو اللي كان سعيد وااااايد بالتعامل مع باش و اغنيته مو حرام من احلى اغاني الالبوم و هالشي صرح فيه الشيخ و بشار

بس نحترم كلام الرويشد و الله يوفق بشاااااااااااااااااااااااااار الغالي

و بشار تلميذ في مدرسة السفير


[hr:52a9719f03]نصيحه غير منطقيه يا بوخالد وماتناسب وقتنا !!



مانبي حزازات والزين كبير كان او صغير يثبت نفسه

[hr:52a9719f03]شكرا حبيتي على النقل
والاستاذ عبدالله ما نصح بشار الا لان يحبة
والاستاذ عبدالله وايد ينصح بشار
وبشار يسمع حق نصيحتة وهاي النصيحة ما فيهة شي
ولا احد يعصب من الاستاذ عبدالله لان وايد يحب بشار وهذا الحجي حق مصلحتة

[hr:52a9719f03]
رد أخر من منتدى الرويشد
وتوضيح زياده كان بيني وبين بشار اتصال الساعه 9 بليل امس
وقلت له اللي صاير بكل تفاصيله ورد بالحرف الواحد
انا ورويشد غير .. بوخالد ابوي وانا اتقبل منه كل شي
وقال وانشاء الله راح اكلم ادارة الموقع بخصوص اللي صاير
واحب اعطيكم خبر فرش ان بشار قاعد يحضر لألبومه الياي ..
اخوكم
[hr:52a9719f03]
الرد عليه
بشار عمره ما تطلع منه العيبة أكيد هذا بيكون رده
وبعد بو خالد فنان كبير كلنا نحترمه ونحبه بس هم كلمته ما كانت بمحلها

_________________
 

وجوه

Active member
يوم الخميس 12 اكتوبر 2006 تم استضافة بشار في برنامج قمرين على قناة روتانا موسيقى وسال عن كلام الرويشد فكان هذا رده
 

وجوه

Active member
معذرة ما نزلت الملف الصوتي كان لا زم اطلع
إليكم الملف الصوتي



[ram:d0c48bf6dd]http://www.khalidalshaikh-fans.com/mBBplus/files/basharqamreen.ram[/ram:d0c48bf6dd]
 
السؤال غير واضح لبشار ولا للمشاهدين :!: :!: بعكس ماكتب نقلا عن الأخ وجوه عن موضوع تعاون بشار مع خالد في منتدياتنا :!:

على العموم ياريت لو تم توفير ملف صوتي لما قاله الرويشد في نصيحته لبشار من تلك المقابله حتى يكون الحكم والنقاش في هذا الموضوع بشكل واضح لايترك أي لبس
:wink:
 
كبير ياخالد الشيخ بفنك بأخلاقك

جيل الشباب يستحق الدعم

والي صرح به رويشد وجهة نظر

لكن يجب ان ينتبه الرويشد انه دعم المواهب شي جميل ولا يقتصر على الكبار
 
أعلى